股 場 放 大 鏡 ： 南 海 石 油 跟 風 搞 礦

香 港 上 市 公 司 最 近 流 行 轉 型 採 礦 ， 繼 世 紀 城 市 （ 355 ） 蒙 古 搞 煤 及 鈾 礦 之 後 ， 南 海 石 油 （ 076 ） 噚 日 都 宣 布 搞 礦 ， 由 石 油 股 發 展 到 採 礦 ， 受 到 消 息 刺 激 ， 南 海 噚 日 股 價 升 7% ， 成 交 有 近 2.5 億 銀 。

根 據 南 海 噚 日 發 表 之 公 告 ， 集 團 以 7000 萬 元 入 股 一 間 在 港 成 立 之 合 營 公 司 並 取 得 70% 權 益 ， 另 30% 由 合 作 夥 伴 持 有 ， 即 係 間 公 司 估 值 1 億 銀 ， 該 合 營 四 川 省 攀 枝 花 市 三 大 灣 區 採 礦 ， 而 經 過 中 盈 （ 766 ） 事 件 後 ， 通 告 講 明 擁 有 勘 探 及 採 礦 權 。

該 幅 約 2890 平 方 米 之 土 地 ， 通 告 指 被 發 現 蘊 含 多 種 礦 產 ， 包 括 石 墨 、 銅 及 鋅 ， 而 根 據 由 一 間 國 際 認 可 信 譽 良 好 之 估 值 公 司 評 估 ， 存 於 該 土 地 之 礦 產 含 量 價 值 不 少 於 50 億 元 人 民 幣 。 睇 清 楚 ， 無 錯 係 50 億 ， 5 字 後 面 有 9 個 零 。 照 計 銅 以 及 鋅 呢 種 咁 熱 門 之 礦 產 有 市 有 價 ， 估 價 唔 會 差 得 好 遠 ， 南 海 用 1 億 去 買 值 50 億 礦 ， 豈 有 如 此 便 宜 之 交 易 ？

參 考 其 他 近 期 轉 型 之 礦 產 股 ， 礦 場 亦 都 係 估 值 好 高 ， 惟 每 年 所 能 開 採 之 礦 物 ， 卻 唔 一 定 好 多 ， 例 如 值 50 億 之 礦 場 ， 分 分 鐘 要 幾 十 年 至 採 得 晒 ， 如 開 採 權 只 得 10 年 ， 條 數 就 唔 係 咁 計 ， 而 此 礦 場 工 人 同 設 備 等 開 支 都 未 知 點 計 ， 故 此 要 等 南 海 進 一 步 公 布 資 料 才 可 作 研 究 。

明 興 生 意 唔 憂 做

中 國 水 務 （ 855 ） 最 近 宣 布 以 每 股 0.80 元 認 購 明 興 控 股 （ 402 ） 6400 萬 股 新 股 ， 佔 擴 大 後 股 本 的 16.67% ， 總 代 價 5120 萬 元 ， 交 易 公 布 後 中 國 水 務 連 升 兩 日 ， 至 於 明 興 呢 隻 冷 門 股 則 異 常 波 動 ， 復 牌 曾 經 先 升 後 倒 跌 近 兩 成 ， 低 見 1.50 元 ， 尾 市 抽 高 至 1.95 元 收 市 ， 噚 日 再 升 18% 至 2.31 元 ， 中 國 水 務 賬 面 大 賺 9664 萬 元 。

睇 中 期 報 告 ， 明 興 做 開 水 務 工 程 ， 05 年 取 得 一 份 香 港 政 府 承 建 商 合 約 ， 成 4 億 銀 ， 唔 係 少 。 由 於 中 國 水 務 收 購 埋 一 大 堆 國 內 水 務 項 目 ， 都 要 有 個 承 建 商 去 搞 ， 入 股 明 興 ， 等 於 投 資 埋 水 務 工 程 業 務 。

歐陽風