股 場 放 大 鏡 ： 方 正 孖 寶 業 績 麻 麻

方 正 控 股 （ 418 ） 及 旗 下 方 正 數 碼 （ 618 ） 今 年 2 月 炒 過 一 轉 勁 ， 前 者 個 零 星 期 由 0.49 元 炒 高 至 0.85 元 ， 後 者 更 誇 ， 短 短 3 個 交 易 日 由 0.28 元 炒 上 0.76 元 ， 不 過 之 後 完 全 無 消 息 跟 尾 ， 冇 乜 成 交 之 下 橫 行 成 兩 個 月 ， 似 乎 係 等 業 績 。

上 周 五 晚 兩 間 公 司 分 別 公 布 業 績 ， 方 正 控 股 應 佔 純 利 由 4792 萬 元 減 至 2590 萬 元 ， 營 業 額 及 純 利 均 倒 退 ， 業 績 繼 續 乏 善 足 陳 。 至 於 方 正 數 碼 ， 營 業 額 由 19 億 元 增 至 23 億 元 ， 惟 銷 售 成 本 有 相 若 增 幅 ， 令 毛 利 僅 由 9448 萬 元 增 至 1.23 億 元 ， 扣 除 成 本 同 步 大 增 ， 純 利 卻 由 2655 萬 元 減 至 1493 萬 元 。

方 正 控 股 長 期 業 績 飄 忽 ， 方 正 數 碼 幾 年 前 仍 連 年 虧 蝕 ， 至 04 年 開 始 才 獲 利 ， 唯 一 可 炒 係 去 年 5 月 出 售 約 21.8% 股 權 予 浙 江 商 人 鄭 福 雙 ， 憧 憬 新 股 東 入 主 或 有 注 資 。 據 報 載 鄭 氏 於 國 內 有 多 門 生 意 ， 包 括 視 頻 產 品 研 發 及 產 銷 ， 惟 以 上 交 易 公 布 後 幾 個 月 都 唔 炒 ， 諗 落 真 係 唔 知 有 乜 可 炒 。

陸 氏 狂 升 激 成 跟 住 上
陸 氏 實 業 （ 366 ） 自 從 公 布 業 績 後 股 價 狂 飆 ， 用 10 個 交 易 日 ， 由 5 個 幾 升 到 去 10 個 幾 ， 升 幅 成 1 倍 ， 誇 張 程 度 可 以 同 近 期 神 仙 股 比 。 講 番 陸 氏 呢 份 業 績 ， 收 入 增 長 其 實 唔 算 好 大 ， 營 業 額 僅 增 長 約 兩 成 ， 純 利 之 所 以 大 升 8 倍 至 2 億 銀 ， 主 要 係 得 益 於 投 資 物 業 公 允 價 值 淨 收 益 ， 由 1.4 億 增 至 2.4 億 ， 呢 個 即 係 物 業 升 值 ， 越 南 樓 市 起 飛 ， 當 然 受 惠 。

另 一 原 因 係 商 譽 減 值 由 1.6 億 銀 減 至 7700 幾 萬 ， 亦 係 會 計 上 數 字 ， 唔 算 真 係 現 金 落 袋 。 其 實 集 團 真 正 業 績 爆 炸 期 應 係 明 年 至 後 年 ， 買 兩 塊 市 中 心 地 建 成 商 住 項 目 及 預 售 之 後 ， 故 此 今 次 業 績 後 狂 炒 ， 係 預 期 往 後 業 績 多 過 06 年 業 績 。 陸 氏 炒 上 ， 越 南 概 念 股 亦 起 哄 ， 激 成 （ 184 ） 同 威 鋮 （ 1002 ） 分 別 升 14% 及 6% ， 前 者 本 周 五 就 會 公 布 業 績 ， 到 時 就 會 對 投 資 越 南 酒 店 回 報 有 多 概 念 。