今 日 又 有 隻 新 股 上 市 ， 呢 隻 中 信 1616 （ 1883 ） 受 到 富 豪 效 應 支 持 ， 暗 盤 價 都 升 2 蚊 ， 睇 怕 緊 招 股 新 股 幾 難 會 唔 受 歡 迎 。 噚 日 講 過 隻 碧 桂 園 （ 2007 ） 雖 然 定 價 好 貴 ， 但 係 富 豪 效 應 之 下 都 熱 爆 燈 ， 加 上 得 兩 成 出 街 ， 大 額 孖 展 認 購 未 必 有 數 。
而 家 散 戶 揀 新 股 ， 方 法 係 首 先 睇 有 乜 「 大 孖 沙 」 入 股 ， 其 次 係 有 無 大 行 做 保 薦 人 ， 最 後 至 睇 基 本 因 素 。 同 期 另 一 隻 招 股 億 鑽 珠 寶 （ 475 ） ， 由 於 各 證 券 行 預 留 孖 展 資 金 畀 碧 桂 園 ， 加 上 無 乜 上 述 新 股 包 裝 ， 超 購 倍 數 估 計 唔 會 太 高 。
據 市 場 消 息 ， 億 鑽 作 為 中 東 市 場 主 要 香 港 出 口 商 ， 邊 有 唔 少 客 戶 都 有 興 趣 認 購 ， 但 係 就 未 至 於 高 調 宣 布 入 股 ； 至 於 保 薦 人 益 華 證 券 ， 驟 眼 睇 以 為 係 小 型 華 資 行 ， 呢 間 行 英 文 名 叫 Evolution Watterson Securities ， 查 實 係 一 間 英 資 證 券 行 ， 總 部 在 倫 敦 ， 有 獨 立 研 究 部 兼 主 要 做 機 構 投 資 客 。
呢 間 行 以 往 甚 少 在 港 做 包 銷 商 ， 據 講 億 鑽 好 幾 年 前 已 諗 過 上 市 ， 由 於 億 鑽 同 益 華 呢 個 財 務 顧 問 較 熟 ， 同 埋 上 市 主 要 為 公 司 出 名 ， 所 以 無 特 別 去 搵 其 他 證 券 行 搞 上 市 。 至 於 基 本 因 素 ， 此 股 招 股 PE 僅 5 至 7 倍 ， 而 且 講 明 派 息 唔 會 少 過 全 年 純 利 40% ， 數 據 的 確 唔 錯 ， 算 得 上 係 新 股 中 滄 海 遺 珠 。
新 數 碼 市 值 破 150 億
噚 日 個 市 無 乜 方 向 ， 又 係 細 價 股 天 下 ， 其 中 隻 新 世 界 數 碼 （ 276 ） 再 升 22% ， 其 最 新 市 值 已 暴 增 至 150 億 元 ， 拍 得 住 唔 少 中 型 股 ， 唔 通 採 煤 真 係 咁 發 ？ 相 比 之 下 早 前 走 勢 甚 相 似 金 匡 （ 286 ） 就 繼 續 急 回 ， 最 多 跌 3 成 ， 收 市 跌 21% 。
金 匡 炒 完 賣 物 業 後 ， 炒 家 又 搵 第 2 隻 股 仔 炒 ， 搞 到 金 匡 暴 跌 。 經 過 兩 日 調 整 之 後 ， 金 匡 市 值 不 過 16 億 銀 ， 係 新 數 碼 十 分 之 一 ， 加 上 通 告 講 明 最 遲 8 月 前 會 有 收 購 消 息 ， 等 再 跌 ， 又 可 收 集 。
歐陽風
沒有留言:
發佈留言