碧 桂 園 （ 2007 ） 噚 日 截 止 認 購 ， 估 計 超 額 認 購 200 至 300 倍 ， 低 過 中 糧 控 股 （ 606 ） 、 中 信 1616 （ 1883 ） 同 埋 匯 源 （ 1886 ） ， 市 傳 碧 桂 園 開 市 會 見 8 蚊 ， 若 然 首 日 掛 牌 真 係 開 到 呢 個 價 ， 孖 展 客 應 該 有 得 執 。 至 於 億 鑽 珠 寶 （ 475 ） 唔 知 係 咪 終 於 有 人 睇 到 佢 確 係 抵 買 ， 臨 尾 孖 展 突 增 ， 料 首 日 掛 牌 個 價 都 唔 會 太 差 。
黎 緊 輪 到 洛 陽 欒 川 鉬 業 （ 3993 ） 同 埋 中 信 銀 行 （ 998 ） 呢 兩 隻 焦 點 新 股 招 股 ， 又 有 新 一 輪 新 股 認 購 潮 。 洛 陽 鉬 業 擁 有 全 球 最 大 鉬 礦 存 量 ， 亦 有 鎢 等 金 屬 礦 ， 而 該 金 屬 主 要 係 用 作 合 金 及 不 鋼 的 添 加 劑 ， 用 以 增 強 合 金 的 強 度 與 硬 度 ， 鉬 需 求 會 同 鋼 鐵 需 求 掛 。 由 於 內 地 鋼 價 在 年 初 至 今 整 體 已 上 升 了 1 成 左 右 ， 同 時 寶 鋼 近 期 又 有 提 價 行 動 ， 反 映 短 期 內 呢 隻 新 股 頗 有 賣 點 。
據 專 家 分 析 ， 稀 有 金 屬 股 的 合 理 PE 應 介 乎 20 到 25 倍 ， 由 於 此 行 業 存 在 周 期 性 ， 市 場 給 予 這 些 股 份 的 估 值 通 常 在 15 倍 左 右 ， 而 洛 陽 鉬 業 的 07 年 預 測 PE 介 乎 10.8 到 13.8 倍 ， 即 使 以 上 限 價 計 ， 都 仲 有 水 位 ， 值 得 認 購 。
如 果 要 炒 影 子 股 概 念 ， 湖 南 有 色 （ 2626 ） 同 佢 一 樣 都 有 鎢 礦 ， 頗 有 相 似 之 處 ， 但 係 剛 被 大 行 以 到 價 為 由 降 級 至 中 性 ； 中 國 礦 業 （ 340 ） 都 係 有 相 似 概 念 ， 但 係 早 排 傳 出 有 股 東 爭 執 ， 有 唔 明 朗 因 素 ； 中 國 稀 土 （ 769 ） 其 實 所 做 頗 唔 同 ， 但 有 PE 偏 低 利 好 因 素 ； 最 近 似 應 係 剛 宣 布 以 3 億 銀 收 購 蒙 古 阿 雷 努 爾 鉬 礦 51% 權 益 ， 並 擁 有 開 採 權 中 國 資 源 開 發 （ 661 ） 。
中 國 資 源 最 似 影 子 股
根 據 通 告 ， 阿 雷 努 爾 鉬 礦 初 步 已 探 明 鉬 金 屬 儲 量 為 57000 噸 ， 遠 景 儲 量 為 10 萬 噸 ， 以 鉬 精 礦 每 噸 市 價 約 20 萬 元 人 民 幣 計 ， 呢 個 礦 都 幾 值 錢 ， 不 過 同 洛 陽 鉬 業 擁 有 全 球 最 大 鉬 礦 ， 儲 量 達 206 萬 噸 比 ， 就 真 係 小 巫 見 大 巫 。 中 國 資 源 今 次 收 購 仲 包 括 3 個 鎢 礦 勘 探 權 ， 直 頭 同 洛 陽 鉬 業 一 模 一 樣 。
歐陽風
沒有留言:
發佈留言