股 場 放 大 鏡 ： 東 方 有 色 改 名 炒 注 資

東 方 有 色 （ 230 ） 上 周 四 晚 公 布 06 年 度 業 績 ， 受 惠 於 投 資 物 業 重 估 收 益 大 升 及 撥 回 發 展 中 物 業 撥 備 合 計 逾 8800 萬 元 ， 去 年 純 利 大 升 276% 至 1.06 億 元 ， 每 股 盈 利 13.71 仙 。 業 績 強 勁 刺 激 股 價 上 周 五 裂 口 高 開 ， 其 後 越 升 越 有 ， 最 後 勁 升 30% 收 市 。 由 於 公 布 業 績 同 時 ， 該 公 司 發 表 另 一 份 通 告 建 議 改 名 ， 中 文 名 變 五 礦 建 設 ， 英 文 名 則 由 ONFEM Holdings 改 做 Minmetal Land Limited ， 須 知 道 集 團 舊 名 都 沿 用 好 多 年 ， 忽 然 改 名 ， 難 免 令 市 場 忽 發 聯 想 。

呢 隻 同 近 期 亦 都 公 布 佳 績 五 礦 資 源 （ 1208 ） 份 屬 同 系 ， 母 公 司 為 中 國 五 礦 集 團 ， 係 央 企 級 企 業 ， 國 內 A 股 仲 有 隻 叫 五 礦 發 展 （ 600058 ） ， 而 東 方 有 色 與 同 系 公 司 業 務 稍 有 不 同 ， 以 建 材 同 埋 物 業 發 展 及 投 資 為 主 。

該 公 司 除 透 過 旗 下 金 橋 瑞 和 經 營 玻 璃 幕 牆 設 計 及 安 裝 等 建 材 生 意 外 ， 旗 下 兩 個 樓 盤 正 在 及 即 將 預 售 ， 分 別 係 珠 海 「 東 方 傲 景 峰 」 ， 以 及 南 京 「 東 方 龍 湖 灣 」 ， 兩 個 項 目 都 用 緊 原 有 公 司 名 ， 無 理 由 忽 然 又 將 樓 盤 頭 兩 個 字 改 做 五 礦 ， 因 此 ， 好 難 唔 令 人 相 信 ， 母 公 司 有 意 重 組 呢 間 子 公 司 。

其 實 東 方 有 色 早 於 年 初 已 有 動 作 ， 1 月 初 宣 布 將 所 持 有 720 萬 股 招 商 局 中 國 基 金 （ 133 ） 出 售 ， 每 股 賣 22 元 ， 套 現 1.58 億 元 ， 獲 稅 前 收 益 1.4 億 元 ， 相 等 於 每 股 賺 0.18 元 ， 獲 利 甚 豐 ， 是 次 套 現 令 手 頭 現 金 增 至 3 億 元 ， 有 助 開 拓 剛 開 展 的 地 產 發 展 項 目 。 紅 籌 注 資 近 排 炒 得 火 熱 ， 呢 隻 蚊 型 紅 籌 ， 市 值 只 得 6.9 億 ， 隨 時 炒 得 仲 癲 。

粵 海 製 革 炒 牛 河

上 周 五 粵 海 製 革 （ 1058 ） 急 升 43% ， 成 交 1023 萬 元 ， 位 列 升 幅 榜 第 2 位 ， 粵 革 耐 唔 耐 就 炒 私 有 化 ， 但 次 次 都 係 得 個 講 字 ， 而 最 重 要 係 此 股 貨 疏 成 交 細 ， 就 算 單 日 成 交 忽 然 大 增 ， 過 幾 日 都 可 以 無 晒 買 賣 牌 ， 高 位 接 貨 分 分 鐘 沽 唔 出 。

歐陽風