股 場 放 大 鏡 ： 李 兆 基 仍 睇 好 豪 宅

港 股 假 後 急 跌 逾 千 點 ， 除 假 前 美 股 急 跌 ， 中 國 又 大 手 加 存 款 準 備 金 率 之 外 ， 到 近 兩 日 ， 壞 消 息 已 經 唔 止 咁 少 ， 區 內 國 家 貨 幣 紛 紛 受 到 狙 擊 ， 大 有 11 年 前 亞 洲 金 融 風 暴 的 影 子 。 越 南 盾 連 日 急 跌 ， 有 國 際 炒 家 趁 火 打 劫 ， 向 泰 銖 施 以 突 襲 ， 剛 放 寬 資 本 管 制 3 個 月 的 泰 國 ， 因 有 炒 家 大 舉 沽 售 泰 銖 ， 央 行 已 於 周 一 被 迫 入 市 干 預 ， 至 昨 日 泰 國 央 行 證 實 再 入 市 干 預 ， 企 圖 阻 止 泰 銖 跌 勢 。 泰 國 央 行 官 員 表 示 ， 有 多 達 4 個 海 外 投 機 者 曾 試 圖 押 注 泰 銖 下 跌 。

火 燒 連 環 船 ， 據 報 印 度 央 行 以 及 印 尼 央 行 亦 於 近 兩 日 入 市 干 預 市 。 要 狙 擊 一 個 地 區 貨 幣 ， 政 治 理 由 就 最 好 用 ， 有 外 電 報 道 泰 銖 受 狙 擊 其 中 一 個 原 因 係 當 地 民 眾 持 續 抗 議 政 府 ， 引 起 政 治 不 穩 ， 而 類 似 現 象 ， 剛 巧 在 南 韓 亦 都 出 現 。 係 咪 新 一 輪 金 融 風 暴 ？ 相 信 未 必 ， 但 係 新 興 市 場 基 金 正 撤 出 亞 洲 的 確 係 發 生 緊 ， 區 內 股 、 受 壓 應 該 幾 難 改 變 。

提 供 回 報 保 證 顯 信 心
在 全 球 加 息 壓 力 之 下 ， 本 港 地 產 股 昨 日 終 於 捱 唔 住 要 跌 ， 其 中 信 置 （ 083 ） 更 大 跌 逾 8% ， 都 幾 得 人 驚 ； 地 （ 012 ） 跌 逾 4% ， 該 公 司 剛 宣 佈 斥 資 約 13 億 元 收 購 大 股 東 兼 主 席 李 兆 基 家 族 私 人 持 有 ， 位 於 沙 田 仁 安 醫 院 旁 的 豪 宅 項 目 全 部 權 益 ， 以 及 西 半 山 干 德 道 的 豪 宅 項 目 6 成 權 益 ， 大 股 東 並 保 證 有 最 少 25% 回 報 。 以 上 交 易 等 於 為 地 注 入 豪 宅 資 產 ， 斷 估 大 股 東 仍 然 睇 好 豪 宅 市 場 先 至 有 此 行 動 ， 但 地 產 股 剛 轉 弱 ， 要 買 貨 都 係 等 等 先 。