近 期 尾 市 期 指 亂 挾 單 邊 已 成 例 牌 動 作 ， 噚 日 期 指 在 現 貨 收 市 一 刻 仍 有 22800 以 上 ， 到 4:30 收 市 時 卻 已 跌 至 22660 ， 不 過 同 上 星 期 比 已 經 唔 算 離 譜 ， 港 交 所 （ 388 ） 堅 持 延 長 交 易 時 間 ， 呢 個 時 候 好 應 該 同 市 場 人 士 交 代 仲 有 無 保 留 必 要 。
由 於 港 股 成 交 低 迷 ， 噚 日 又 跌 至 600 億 元 以 下 ， 日 前 摩 根 士 丹 利 發 表 一 份 好 有 趣 研 究 報 告 ， 預 料 港 交 所 未 來 15 日 股 價 下 跌 （ Fall in absolute terms ） ， 指 香 港 股 市 成 交 額 未 符 預 期 下 ， 港 交 所 今 年 盈 利 預 測 存 在 下 調 風 險 ， 維 持 港 交 所 遜 於 大 市 投 資 評 級 。
大 摩 唱 淡 或 有 玄 機
大 摩 原 先 預 計 港 股 平 均 每 日 成 交 額 約 950 億 元 ， 不 過 實 際 上 成 交 額 已 顯 著 減 少 ， 過 去 10 天 的 平 均 每 日 成 交 額 已 回 落 至 650 億 元 ， 以 目 前 疲 弱 市 況 ， 相 信 港 股 成 交 額 短 期 內 將 繼 續 處 於 低 水 平 。 若 成 交 額 在 今 年 餘 下 時 間 維 持 於 650 億 元 水 平 ， 港 交 所 合 理 價 將 降 至 低 於 100 元 ， 而 有 關 情 況 出 現 的 可 能 性 達 到 六 至 七 成 。
呢 份 報 告 ， 特 別 之 處 唔 係 估 港 交 所 好 有 機 會 只 值 100 元 以 下 ， 而 係 估 佢 股 價 未 來 15 日 再 跌 ， 講 得 好 實 在 ， 唔 係 風 水 佬 呃 你 十 年 八 年 隻 。 成 交 低 迷 已 唔 係 今 日 發 生 之 事 ， 港 交 所 股 價 自 5 月 初 167 元 幾 乎 日 日 跌 ， 去 到 家 123 元 ， 勁 跌 44 元 ， 已 反 映 緊 成 交 預 期 。
計 一 計 港 交 所 股 價 已 跌 30 多 個 交 易 日 ， 未 來 15 日 反 彈 都 要 ， 大 摩 分 析 員 卻 估 計 其 股 價 在 未 來 15 日 會 繼 續 下 跌 ， 照 表 面 推 論 ， 即 係 對 未 來 兩 周 港 股 成 交 唔 多 樂 觀 ， 而 成 交 無 起 色 ， 估 計 個 市 都 好 難 大 逆 轉 ， 呢 個 玄 機 ， 真 係 信 不 信 由 你 。
沒有留言:
發佈留言