近 期 油 價 及 金 價 自 高 位 回 落 ， 資 金 似 乎 正 從 商 品 期 貨 市 場 中 撤 退 。 美 國 當 局 應 議 員 要 求 表 示 會 調 查 期 油 市 場 是 否 存 在 操 控 ， 對 油 價 相 信 只 有 少 許 影 響 ， 商 品 價 格 回 落 更 大 原 因 應 是 美 元 反 彈 ， 由 於 歐 元 英 鎊 之 前 升 勢 強 勁 ， 卻 未 有 理 會 經 濟 受 到 次 按 拖 累 ， 現 在 歐 洲 經 濟 數 據 持 續 轉 弱 ， 美 國 息 口 又 已 見 底 ， 仲 唔 係 反 彈 時 候 ？ 原 材 料 價 格 回 落 ， 亦 應 利 好 工 業 股 ， 不 過 國 內 人 力 成 本 急 漲 ， 電 價 、 煤 價 又 有 上 調 壓 力 ， 工 業 股 若 涉 出 口 仲 有 可 能 減 少 稅 務 寬 免 ， 種 種 條 件 都 處 於 不 利 位 置 。 因 此 噚 日 只 有 寥 寥 兩 三 隻 原 材 料 跌 價 受 惠 股 炒 上 ， 其 中 一 隻 係 建 滔 積 層 板 （ 1888 ） ， 股 價 急 升 6.8% 。 建 滔 板 受 銅 價 急 漲 影 響 ， 股 價 由 掛 牌 後 最 高 8 個 幾 跌 落 3 月 最 低 4 蚊 樓 下 ， 近 兩 個 月 以 來 反 彈 上 5.6 元 水 平 ， 似 乎 已 無 咁 大 沽 壓 ， 或 可 睇 勢 短 炒 。
大 摩 唱 淡 內 地 航 空 股
油 價 回 落 ， 理 論 上 惠 及 航 空 股 ， 但 係 噚 日 國 航 （ 753 ） 先 升 後 跌 近 2% ， 表 現 差 強 人 意 ， 原 來 係 被 大 摩 出 報 告 唱 淡 。 大 摩 指 航 油 價 格 今 年 已 上 升 69% 至 每 桶 128 美 元 ， 但 內 地 壓 抑 油 價 以 抗 衡 通 脹 ， 故 內 地 航 油 只 升 9.6% ， 內 地 與 國 際 的 油 價 已 相 差 達 30% ， 內 地 航 油 價 上 升 壓 力 正 在 增 加 。 同 時 ， 內 地 的 民 航 客 運 量 增 幅 放 緩 ， 由 今 年 1 月 份 的 22.4% ， 下 降 至 4 月 份 的 6.8% ， 因 此 對 內 地 航 運 業 看 法 由 大 市 同 步 降 至 審 慎 ， 及 調 低 3 隻 航 空 股 的 盈 利 預 測 、 評 級 與 及 目 標 價 ， 講 到 咁 差 ， 似 乎 相 關 股 份 短 期 難 有 運 行 。
沒有留言:
發佈留言