大 摩 繼 早 前 一 個 港 交 所 （ 388 ） 15 日 股 價 睇 跌 報 告 之 後 ， 又 來 一 個 中 海 油 （ 883 ） 60 日 睇 升 報 告 ， 反 映 連 大 行 也 要 越 玩 越 短 ， 這 種 炒 短 線 報 告 日 後 可 能 成 為 趨 勢 。 港 股 成 交 大 縮 ， 大 行 要 吸 引 客 戶 落 場 ， 或 要 動 用 到 短 時 間 內 回 報 高 作 為 招 徠 ， 否 則 次 次 都 係 一 年 睇 幾 多 ， 一 年 咁 長 乜 事 都 可 以 發 生 ， 成 年 時 間 好 多 突 發 事 件 可 以 改 變 一 切 ， 唔 易 吸 引 客 戶 落 場 。
希 望 吸 引 客 戶 落 場 ？
反 而 一 頭 半 個 月 時 間 ， 要 估 大 市 發 生 乜 總 會 有 路 可 捉 ， 例 如 計 過 數 短 期 （ 至 少 半 個 月 內 ） 大 市 成 交 冇 起 色 ， 港 交 所 現 價 炒 落 誘 因 大 過 炒 上 ， 便 可 以 出 報 告 睇 淡 ； 中 海 油 過 去 個 零 月 股 價 唔 跟 油 價 升 不 特 止 仲 要 跌 ， 若 估 油 價 短 期 跌 唔 落 ， 睇 好 中 海 油 亦 好 合 理 。
噚 日 大 摩 又 出 份 報 告 睇 淡 世 茂 房 地 產 （ 813 ） 未 來 60 日 股 價 ， 原 因 之 一 係 管 理 層 4 月 出 業 績 時 對 未 來 收 入 預 測 過 份 進 取 ， 同 時 市 場 對 世 茂 盈 利 預 測 有 下 調 機 會 。
其 實 純 用 Common Sense 推 測 ， 由 於 內 地 政 策 唔 准 地 產 商 囤 積 土 地 ， 而 過 去 幾 個 月 新 盤 銷 情 又 唔 理 想 ， 資 金 壓 力 大 之 下 ， 劈 價 推 盤 勢 成 潮 流 ， 推 測 內 房 股 股 價 下 跌 ， 又 唔 係 冇 道 理 喎 。
大 摩 分 析 員 要 玩 到 咁 短 ， 對 散 戶 而 言 或 者 會 帶 來 短 炒 買 賣 「 貼 士 」 ， 但 對 其 他 大 行 分 析 員 來 說 ， 卻 是 一 大 壓 力 ， 若 份 份 報 告 都 要 睇 到 咁 短 ， 仲 要 係 估 中 估 錯 「 即 時 派 彩 」 ， 好 多 公 司 報 告 根 本 唔 使 寫 。 假 如 短 線 貼 士 成 為 風 氣 ， 分 析 員 呢 行 絕 非 優 差 。
沒有留言:
發佈留言