股 場 放 大 鏡 ： 中 材 股 份 抽 得 落 手

上 周 五 港 股 由 高 位 急 挫 1000 點 ， 市 場 解 釋 多 數 都 指 向 指 換 馬 ， 指 數 基 金 的 買 賣 活 動 所 致 ， 睇 埋 上 周 六 人 行 大 幅 調 高 存 款 準 備 金 率 ， 先 至 知 係 乜 一 回 事 ， 此 亦 反 映 消 息 並 唔 係 百 分 百 保 密 ， 日 後 若 再 見 周 四 至 周 五 突 然 有 無 厘 頭 沽 盤 推 低 大 市 ， 唔 好 掉 以 輕 心 。 中 鐵 （ 390 ） 之 後 ， 輪 到 另 一 內 地 基 建 概 念 股 中 國 中 材 股 份 （ 1893 ） 進 行 招 股 ， 雖 然 近 期 多 隻 新 股 表 現 唔 多 對 辦 ， 但 係 中 材 股 份 兼 有 龍 頭 股 份 及 獨 特 業 務 性 質 ， 論 質 素 有 保 證 ， 問 題 是 估 值 是 否 偏 高 以 及 市 況 與 投 資 氣 氛 等 問 題 。 中 材 股 份 乃 全 球 水 泥 技 術 裝 備 與 工 程 服 務 的 龍 頭 供 應 商 ， 亦 為 中 國 非 金 屬 材 料 行 業 的 領 先 生 產 商 ， 也 是 中 國 非 金 屬 材 料 行 業 當 中 唯 一 一 家 以 研 發 、 工 業 設 計 、 工 程 及 建 設 服 務 一 體 化 模 式 經 營 的 公 司 。
行 業 龍 頭 兼 業 務 獨 特

所 謂 非 金 屬 材 料 領 先 技 術 ， 產 品 包 括 玻 璃 纖 維 、 複 合 材 料 、 人 工 晶 體 、 先 進 陶 瓷 及 新 型 法 水 泥 技 術 等 核 心 技 術 ， 此 亦 即 集 團 與 其 他 普 通 水 泥 股 之 分 別 。 於 水 泥 裝 備 及 工 程 服 務 行 業 ， 中 材 在 內 地 及 國 際 的 市 佔 率 分 別 為 90% 及 22% ， 此 之 謂 龍 頭 地 位 。 以 上 限 招 股 價 計 算 ， 中 材 07 及 08 年 的 預 期 PE 分 別 為 34.6 倍 及 22.4 倍 ， 不 算 特 別 貴 ， 比 起 中 國 建 材 （ 3323 ） 更 係 平 得 多 ， 但 若 以 中 間 位 定 價 則 更 佳 ， 算 係 最 揀 得 落 手 新 股 。
華 潤 勵 致 有 影 子 概 念
中 材 招 股 ， 但 係 影 子 股 概 念 有 無 得 炒 ， 要 睇 有 無 錢 到 。 華 潤 勵 致 （ 1193 ） 最 近 與 華 潤 上 華 （ 597 ） 進 行 重 組 ， 前 者 股 東 以 實 物 分 派 華 潤 上 華 及 注 資 後 將 轉 型 為 水 泥 股 ， 有 少 少 影 子 股 概 念 。 華 潤 勵 致 擬 向 母 公 司 收 購 中 港 混 凝 土 公 司 ， 主 要 在 港 供 應 預 拌 混 凝 土 及 相 關 產 品 ， 中 港 混 凝 土 為 06 年 私 有 化 的 華 潤 水 泥 之 附 屬 公 司 ， 雖 只 注 入 市 場 較 細 的 香 港 水 泥 業 務 ， 其 他 水 泥 基 建 業 務 日 後 亦 有 注 入 之 憧 憬 。 不 過 此 股 有 無 得 炒 ， 仍 要 睇 個 市 有 無 氣 氛 。