股 場 放 大 鏡 ： 母 公 司 增 持 北 展 有 得 諗

四 叔 又 講 ， 今 次 唔 再 係 唱 好 ， 而 係 將 指 目 標 拖 遲 ， 30000 點 目 標 要 到 明 春 先 至 見 ， 33000 點 目 標 則 要 到 明 秋 ， 即 係 點 ？ 原 本 估 得 太 過 樂 觀 ， 家 轉 睇 保 守 。 保 守 無 錯 ， 問 題 係 ， 亞 洲 股 神 使 唔 使 估 得 咁 密 ？ 其 實 四 叔 一 早 已 經 晒 彩 ， 對 上 一 次 話 趁 低 吸 納 ， 已 經 搞 到 好 多 人 「 高 位 坐 艇 」 。

同 賭 王 估 指 見 4 萬 唔 同 ， 散 戶 普 遍 一 笑 置 之 ， 四 叔 話 明 會 用 100 億 入 市 ， 好 多 散 戶 會 跟 ， 佢 老 人 家 講 完 即 刻 升 ， 邊 人 買 上 去 ？ 今 次 四 叔 講 完 冇 咁 樂 觀 言 論 之 後 ， 希 望 佢 識 得 見 好 就 收 ， 無 謂 學 財 經 演 員 頻 頻 估 市 。 個 別 股 仔 昨 日 跟 隨 大 市 回 升 ， 其 中 北 京 發 展 （ 154 ） 低 位 回 升 5% 。 該 股 近 日 獲 母 公 司 北 京 控 股 （ 392 ） 增 持 ， 申 報 於 12 月 13 日 ， 以 平 均 價 3.583 元 購 入 29.4 萬 股 北 展 ， 持 股 量 由 40.98% 增 加 至 41.03% 。 此 股 一 向 只 係 見 Winnington 呢 個 基 金 活 躍 買 賣 ， 母 公 司 增 持 ， 係 今 年 第 一 次 見 。

業 績 已 明 顯 改 善
北 展 6 月 一 度 炒 上 5.26 元 ， 其 後 反 覆 橫 行 ， 跌 幅 已 經 細 過 好 多 二 三 線 股 。 北 展 上 半 年 成 功 轉 虧 為 盈 ， 獲 利 1.21 億 元 ， 主 要 受 惠 期 內 出 售 2.2 億 股 衝 浪 平 台 （ 8178 ） 股 權 ， 及 出 售 酒 樓 業 務 合 共 錄 得 約 1.89 億 元 特 殊 收 益 。 不 過 ， 期 內 持 續 經 營 業 務 之 收 入 也 大 增 近 1.2 倍 至 9708 萬 元 ， 主 要 來 自 核 心 一 卡 通 業 務 ， 此 股 炒 賣 頗 困 難 ， 惟 低 位 逐 買 或 會 有 驚 喜 回 報 。

電 煤 價 升 吼 中 煤
中 國 鋁 業 （ 2600 ） 宣 佈 再 上 調 氧 化 鋁 售 價 10.5% ， 不 過 市 場 反 應 麻 麻 ， 最 低 跌 至 14.66 元 ， 急 跌 6% ， 之 後 大 市 回 穩 ， 股 價 都 要 跌 2.3% 。 鋁 價 上 調 ， 電 煤 價 格 亦 上 調 ， 08 年 度 合 同 平 均 價 上 調 約 10% ， 消 息 令 發 電 股 普 遍 腳 軟 ， 不 過 煤 股 都 升 唔 起 ， 反 映 加 價 因 素 已 在 市 場 預 期 之 內 。 煤 股 當 中 ， 中 煤 能 源 （ 1898 ） 近 兩 個 交 易 日 守 穩 於 100 日 線 水 平 ， 此 股 過 去 一 年 兩 次 跌 市 低 位 都 剛 好 在 100 日 線 ， 守 得 住 有 博 反 彈 之 道 。