股 場 放 大 鏡 ： 中 建 分 拆 業 務 往 績 麻 麻

中 建 電 訊 （ 138 ） 日 前 宣 佈 ， 建 議 重 組 旗 下 從 事 幼 兒 及 兒 童 產 品 業 務 的 Wiltec ， 並 分 拆 該 公 司 以 介 紹 形 式 在 創 業 板 上 市 。 中 建 表 示 考 慮 派 發 特 別 中 期 息 ， 並 將 重 組 後 所 持 Wiltec 的 股 本 約 40.06% 作 實 物 分 派 。
易 貿 通 股 價 曾 跌 9 成

最 近 同 樣 將 子 公 司 分 拆 及 作 實 物 分 派 的 例 子 ， 應 數 中 國 食 品 （ 506 ） 分 拆 中 糧 控 股 （ 606 ） 並 作 實 物 分 派 ， 不 過 這 間 Wiltec 業 務 就 細 得 多 ， 截 至 06 年 底 ， 幼 兒 及 兒 童 產 品 業 務 佔 中 建 綜 合 純 利 約 0.6% ， 中 建 去 年 3.58 億 元 ， 即 有 關 業 務 純 利 僅 214.8 萬 大 元 。 中 建 以 往 亦 有 過 分 拆 子 公 司 到 創 業 板 上 市 的 往 績 ， 多 年 前 將 中 小 企 貿 易 平 台 業 務 易 貿 通 （ 8163 ） 分 拆 ， 股 價 無 甚 表 現 之 餘 ， 成 交 更 加 長 期 疏 落 ， 直 至 月 前 轉 型 林 木 業 ， 股 價 及 成 交 才 稍 見 增 加 。 易 貿 通 上 月 宣 佈 以 14.43 億 元 總 作 價 收 購 印 尼 巴 布 亞 省 61.35 萬 公 頃 天 然 森 林 砍 伐 區 項 目 100% 權 益 ， 其 中 2.262 億 元 以 現 金 支 付 ， 餘 款 以 兩 批 3 年 期 零 息 可 換 股 債 券 支 付 。 賣 方 於 行 使 可 換 股 債 券 後 ， 最 終 可 持 易 貿 通 78.71% 權 益 ， 中 建 持 股 量 由 62.52% 降 至 18.79% ， 變 相 等 於 賣 盤 。 Wiltec 最 終 會 唔 會 步 易 貿 通 後 塵 唔 知 道 ， 但 易 貿 通 股 東 等 足 5 年 ， 股 價 曾 大 跌 9 成 ， 歐 陽 風 自 問 無 此 耐 性 。 國 內 通 脹 嚴 重 ， 11 月 份 超 過 6% ， 香 港 亦 都 唔 好 得 去 邊 ， 有 證 券 界 預 期 明 年 本 港 通 脹 會 在 5% 以 上 ， 近 期 睇 新 聞 ， 經 常 睇 得 到 加 風 勁 吹 ， 新 聞 片 段 都 報 道 餐 飲 集 團 計 劃 加 價 。
其 士 泛 亞 轉 型 有 潛 質
其 士 泛 亞 （ 508 ） 年 前 透 過 收 購 太 平 洋 咖 啡 進 軍 餐 飲 行 業 ， 轉 型 後 呢 行 究 竟 搵 唔 搵 到 錢 ？ 該 公 司 公 佈 9 月 底 止 半 年 純 利 2051 萬 元 ， 升 31 ％ ， 每 股 盈 利 10.27 仙 ， 中 期 息 3 仙 。 分 部 業 績 中 ， 餐 飲 及 證 券 投 資 分 別 獲 利 500 多 萬 元 ， 出 售 非 持 續 經 營 業 務 則 獲 利 900 多 萬 元 ， 雖 然 主 業 賺 錢 唔 多 ， 但 營 業 額 已 達 1.4 億 元 ， 有 潛 質 但 仍 要 觀 察 多 兩 期 業 績 。