星期二, 3月 04, 2008

股 場 放 大 鏡 : 入 股 旺 旺 統 一 有 得 炒


中 鐵 建 ( 1186 ) 認 購 潮 熱 爆 , 主 要 證 券 行 都 於 首 日 借 爆 孖 展 , 入 飛 遲 半 步 都 唔 到 孖 展 額 , 而 各 大 傳 媒 亦 以 「 身 認 購 」 、 「 全 家 總 動 員 入 飛 」 等 字 眼 建 議 認 購 , 故 此 , 相 信 即 使 美 股 繼 續 大 跌 , 市 民 對 認 購 中 鐵 建 之 熱 情 都 應 該 唔 會 減 退 。

中 鐵 建 之 後 , 輪 到 旺 旺 中 國 ( 151 ) 接 力 , 由 於 有 中 鐵 建 打 開 熱 潮 , 相 信 呢 隻 新 股 唔 會 好 似 年 頭 新 股 咁 , 陸 續 打 退 堂 鼓 。 呢 隻 新 股 , 話 晒 集 資 額 多 達 百 億 元 , 兼 有 瑞 銀 、 高 盛 及 法 巴 等 大 行 護 航 , 點 都 會 做 到 好 好 睇 睇 。

根 據 初 步 推 介 資 料 , 出 售 股 份 中 約 80% 屬 舊 股 , 由 創 辦 人 兼 大 股 東 蔡 衍 明 沽 售 套 現 , 並 大 部 份 用 作 還 債 。 基 本 上 大 股 東 大 舉 沽 舊 股 唔 係 好 , 惟 旺 旺 實 際 上 早 於 96 年 已 在 新 加 坡 上 市 , 可 惜 長 期 成 交 疏 落 , 大 股 東 於 是 決 定 在 去 年 以 每 股 2.35 美 元 價 格 將 公 司 私 有 化 並 除 牌 , 重 新 包 裝 後 在 港 再 度 上 市 。

中 鐵 建 開 新 股 熱 潮
由 於 大 股 東 是 以 私 人 名 義 向 財 團 貸 款 9 億 美 元 支 付 私 有 化 作 價 , 所 以 基 本 上 等 於 大 股 東 墊 支 集 資 額 , 唔 使 睇 得 咁 差 。 同 屬 台 資 食 品 商 統 一 企 業 ( 220 ) 日 前 公 佈 已 簽 約 以 招 股 價 入 股 3000 萬 美 元 的 旺 旺 股 份 , 假 如 博 旺 旺 招 股 反 應 好 , 炒 定 統 一 都 應 該 有 利 可 圖 , 至 少 有 水 漲 船 高 效 應 。

噚 日 港 股 跌 746 點 , 跌 幅 3% , 但 點 都 唔 及 日 股 勁 跌 611 點 , 跌 幅 4.5% 咁 大 , 日 股 勁 跌 , 原 因 之 一 係 美 元 自 伯 南 克 預 告 再 減 息 之 後 , 跌 勢 不 止 , 兌 日 圓 更 穿 埋 103 , 日 本 出 口 股 於 是 全 線 急 跌 。 美 元 疲 弱 , 金 價 當 然 繼 續 上 升 , 昨 已 升 穿 980 美 元 , 逼 近 1000 美 元 關 口 。

炒 金 礦 股 首 選 招 金
金 礦 股 中 , 靈 寶 黃 金 ( 3330 ) 上 周 宣 佈 進 軍 上 游 採 礦 業 務 , 惟 收 購 規 模 唔 大 , 主 力 的 下 游 加 工 業 務 未 能 受 惠 金 價 升 勢 , 揀 金 礦 股 最 好 都 係 揀 番 招 金 礦 業 ( 1818 ) 或 者 紫 金 ( 2899 ) 較 穩 陣 , 另 由 於 紫 金 發 A 股 或 有 變 數 , 都 係 招 金 列 作 首 選 。

1 則留言:

匿名 說...

穿23200,是否可以開淡倉? 會否是假突破
本來收市前想睇定d,點之都係守唔住.