聯 儲 局 突 出 招 救 市 ， 美 股 隨 即 急 升 ， 不 過 亞 太 股 市 於 周 二 偷 步 炒 上 之 後 ， 噚 日 表 現 只 係 普 通 ， 好 多 股 票 都 高 開 後 大 幅 回 落 ， 下 午 期 指 由 高 位 勁 挫 600 多 點 ， 散 戶 買 貨 真 係 嚇 到 鼻 哥 窿 無 肉 。
大 飛 抽 唔 夠 畀 息
股 市 難 玩 ， 好 多 散 戶 轉 戰 新 股 ， 不 過 招 股 熱 爆 中 鐵 建 （ 1186 ） 就 令 捧 場 客 雙 重 失 望 。 第 一 個 失 望 係 中 籤 率 奇 低 ， 一 手 黨 或 者 認 幾 手 都 唔 易 抽 得 中 ， 而 以 大 額 認 購 B 組 ， 亦 毫 無 數 可 言 ， 中 籤 率 只 係 低 至 0.57% ， 低 過 中 鐵 （ 390 ） 0.79% ， 屬 於 相 當 之 低 比 率 。 難 抽 之 餘 ， 第 二 個 失 望 係 暗 盤 價 「 僅 」 升 18% 至 12.64 元 ， 每 股 賺 唔 夠 兩 蚊 ， 一 手 500 股 未 計 使 費 前 賺 得 幾 舊 水 ， 若 以 大 飛 抽 ， 更 加 隨 時 唔 夠 畀 利 息 。 當 然 中 鐵 建 首 日 掛 牌 表 現 或 好 過 預 期 ， 惟 相 信 同 市 場 原 先 期 望 有 三 成 多 升 幅 ， 會 有 好 大 距 離 。
假 如 睇 好 中 鐵 建 長 遠 前 景 ， 趁 今 日 開 市 唔 係 升 好 多 可 以 買 多 少 ， 不 過 再 炒 影 子 股 就 唔 多 掂 矣 ， 中 鐵 股 價 近 排 日 日 跌 咁 滯 ， 噚 日 反 彈 力 度 亦 不 足 ， 中 交 建 （ 1800 ） 情 況 差 唔 多 ， 相 信 同 中 鐵 建 A 股 掛 牌 表 現 令 人 失 望 有 多 少 關 係 ， 噚 日 中 鐵 建 A 股 收 報 12 元 ， 睇 要 A 股 氣 氛 好 轉 至 炒 得 起 。
新 股 現 時 仍 有 隻 中 國 旺 旺 （ 151 ） 招 緊 股 ， 但 市 場 反 應 似 乎 麻 麻 ， 永 發 印 務 （ 633 ） 同 大 地 產 （ 3333 ） 相 信 亦 唔 易 掀 起 熱 潮 ， 至 於 其 他 新 股 ， 據 報 內 地 第 三 大 人 壽 保 險 公 司 太 平 洋 保 險 ， 原 定 最 快 於 下 周 一 開 始 招 股 ， 惟 因 應 市 況 現 在 又 可 能 推 延 至 4 月 。
財 險 價 殘 博 得 過
講 開 內 地 保 險 股 ， 平 安 保 險 （ 2318 ） 同 中 國 人 壽 （ 2628 ） 近 期 表 現 都 落 後 於 大 市 ， 並 且 仲 差 過 一 眾 內 銀 股 ， 或 與 A 股 不 濟 有 關 ， 查 實 內 地 若 加 息 ， 保 險 股 反 而 可 受 惠 ， 無 理 由 弱 得 咁 緊 要 。 博 保 險 股 可 以 諗 諗 隻 中 國 財 險 （ 2328 ） ， 此 股 實 在 跌 得 太 殘 ， 而 且 剛 公 佈 的 雪 災 賠 償 實 際 低 過 預 期 ， 博 反 彈 風 險 有 限 。
沒有留言:
發佈留言