股 場 放 大 鏡 ： 本 地 銀 行 股 受 次 按 困 擾

本 地 股 份 進 入 業 績 期 ， 一 般 本 地 公 司 透 明 度 較 高 ， 業 績 公 佈 大 多 與 預 期 相 符 ， 不 過 符 合 預 期 都 唔 等 於 無 事 ，恆 生 （ 011 ） 業 績 遠 勝 預 期 ， 股 價 一 樣 被 質 低 ， 噚 日 新 地 （ 016 ） 業 績 無 驚 喜 ， 今 日 分 分 鐘 又 要 捱 沽 。

假 如 業 績 差 ， 則 更 加 大 鑊 ， 日 前 兩 家 本 地 中 小 銀 行 就 受 累 於 次 按 投 資 ， 業 績 嚇 市 場 一 跳 。 永 隆 銀 行 （ 096 ） 及 創 興 銀 行 （ 1111 ） 分 別 為 受 次 按 影 響 的 結 構 投 資 工 具 ， 作 出 5.94 億 元 及 3.7 億 元 的 減 值 撥 備 ， 永 隆 更 因 而 錄 得 02 年 以 來 首 次 盈 利 倒 退 ， 股 東 應 佔 溢 利 下 降 14.6% 至 13.71 億 元 ， 拖 累 股 價 昨 急 跌 逾 5% 。

本 地 銀 行 股 去 年 表 現 已 經 唔 係 醒 神 ， 表 現 落 後 大 市 ， 而 自 去 年 11 月 以 來 ， 跌 幅 更 加 跑 贏 大 市 ， 令 人 難 以 理 解 ， 原 來 係 次 按 投 資 累 事 。 其 中 表 現 最 弱 係 中 信 國 金 （ 183 ） ， 去 年 11 月 以 來 跌 逾 四 成 ， 其 他 中 小 銀 行 普 遍 都 有 兩 至 三 成 跌 幅 ， 得 隻 富 邦 銀 行 （ 636 ） 因 有 收 購 傳 聞 ， 股 價 無 乜 點 跌 。

業 績 期 負 面 消 息 多
記 得 任 總 曾 警 告 有 本 地 銀 行 業 績 見 紅 ， 現 在 先 有 一 隻 永 隆 業 績 倒 退 ， 其 他 銀 行 股 恐 壞 消 息 居 多 。 睇 返 基 本 數 據 ， 本 地 中 小 銀 行 估 值 一 都 唔 貴 ， 惟 次 按 仿 似 變 成 無 底 深 潭 ， 例 如 永 隆 首 次 披 露 其 原 先 持 有 16.32 億 元 的 債 務 抵 押 債 券 （ CDO ） 及 結 構 投 資 工 具 （ SIV ） ， 作 出 5.94 億 元 減 值 準 備 ， 相 等 於 有 關 CDO 及 SIV 原 有 賬 面 值 15% 及 60% 。 要 撈 銀 行 股 ， 都 係 等 業 績 期 過 至 諗 。

大 昌 近 日 沽 壓 沉 重
本 地 銀 行 及 地 產 股 曾 經 係 投 資 樂 土 ， 唔 多 受 外 圍 市 況 及 中 資 股 下 跌 所 影 響 ， 惟 近 期 已 經 再 無 呢 件 事 ， 除 係 香 港 息 口 見 底 ， 無 得 再 跟 美 國 減 息 之 外 ， 最 重 要 因 素 仍 係 外 圍 經 濟 ， 高 盛 日 前 就 出 報 告 調 低 今 明 兩 年 樓 市 升 幅 預 測 ， 由 四 成 減 至 兩 成 。 值 得 留 意 係 個 別 小 型 發 展 商 股 價 近 日 勁 跌 ， 大 昌 集 團 （ 088 ） 股 價 跌 足 兩 個 禮 拜 ， 今 年 累 跌 三 成 ， 而 且 近 幾 日 成 交 仲 要 明 顯 增 加 ，那 些 大 地 產 股 提 防 仲 有 得 跌 。