美 股 再 勁 彈 逾 400 點 ， 雖 然 美 國 減 息 幅 度 唔 及 預 期 1 厘 ， 但 係 美 股 議 息 結 果 公 佈 後 依 然 硬 淨 ， 理 應 係 極 好 消 息 ， 奈 何 香 港 股 民 早 已 信 心 全 失 ， 一 見 高 開 即 時 掟 貨 ， 好 多 股 票 都 由 朝 掟 到 尾 ， 例 如 隻 港 交 所 （ 388 ） 高 開 上 過 130 元 後 倒 跌 收 場 。
李 寧 吸 引 好 息 之 徒
現 時 市 況 ， 根 本 上 就 係 無 人 敢 再 玩 股 票 ， 加 上 復 活 節 假 期 在 即 ， 睇 落 都 係 唔 炒 好 過 炒 。 早 兩 日 講 過 高 PE 股 成 為 洗 倉 對 象 ， 噚 日 其 中 一 隻 高 PE 股 李 寧 （ 2331 ） 就 示 範 一 招 「 高 得 有 道 理 」 ， 公 司 日 前 公 佈 去 年 純 利 達 4.74 億 元 人 民 幣 （ 下 同 ） ， 升 60.6% ， 符 合 市 場 預 期 上 限 ， 並 以 高 息 吸 引 「 好 息 之 徒 」 ， 末 期 息 7.96 分 ， 另 特 別 息 9.13 分 。
於 連 續 兩 日 遭 洗 倉 後 ， 李 寧 昨 勁 彈 19% ， 幾 乎 補 番 晒 兩 日 跌 幅 ， 而 且 成 交 激 增 ， 現 市 況 下 實 屬 難 能 可 貴 。 業 績 公 佈 後 大 行 急 急 出 報 告 睇 好 ， 花 旗 集 團 發 表 報 告 指 ， 近 期 李 寧 股 價 跌 幅 過 大 ， 維 持 對 李 寧 買 入 投 資 評 級 ， 以 及 29 元 目 標 價 不 變 。
該 行 指 出 ， 李 寧 去 年 的 業 績 增 長 ， 反 映 管 理 層 有 能 力 執 行 有 成 本 效 益 的 市 場 推 廣 ， 以 及 品 牌 建 立 工 作 效 果 不 俗 。
在 李 寧 帶 動 下 ， 百 盛 （ 3368 ） 亦 勁 彈 14% ， 百 麗 （ 1880 ） 升 8% ， 另 一 隻 曾 係 基 金 愛 股 高 PE 高 增 長 股 永 恩 （ 210 ） ， 周 二 經 已 郁 先 ， 低 位 跌 落 2.95 元 後 收 市 勁 彈 上 4.05 元 。 此 股 由 去 年 4 月 開 始 係 咁 跌 ， 仍 獲 Sansar 基 金 不 停 吸 納 ， 噚 日 交 易 所 資 料 顯 示 ， 此 基 金 申 報 於 周 一 又 增 持 400 萬 股 永 恩 ， 都 算 佢 夠 長 情 ， 勁 捧 場 。
深 高 速 離 奇 大 玩 價
永 恩 本 周 二 股 價 勁 波 動 ， 都 唔 及 噚 日 隻 深 高 速 （ 548 ） 咁 誇 張 ， 該 股 昨 跟 隨 大 市 高 開 5.70 元 ， 升 幅 未 夠 2% ， 其 後 忽 然 衝 上 9.43 元 ， 勁 升 67% ， 幾 乎 創 埋 新 高 ， 收 市 又 跌 番 落 5.78 元 ， 「 僅 」 升 2.8% 。 如 此 現 象 ， 通 常 只 會 出 現 錯 價 盤 ， 睇 番 成 交 紀 錄 ， 深 高 速 原 來 係 開 市 不 久 被 幾 個 2000 股 至 12000 股 買 盤 掃 上 去 ， 到 十 點 零 一 分 股 價 已 回 復 正 常 ， 真 係 唔 知 乜 人 咁 無 聊 搞 個 咁 大 波 幅 出 。
沒有留言:
發佈留言