股 場 放 大 鏡 ： 長 毛 入 股 跟 買 成 謙 宜 做 功 課

今 年 5 月 時 提 過 ， 專 注 做 聲 學 產 品 的 成 謙 聲 匯 （ 2728 ） 獲 股 壇 長 毛 David Webb 出 席 其 股 東 會 畀 意 見 ， 搞 幾 個 月 終 於 見 其 持 股 浮 面 ， 港 交 所 SDI 資 料 顯 示 ， David Webb 上 周 三 市 場 買 29.2 萬 股 ， 每 股 0.90 元 ， 令 持 股 增 至 逾 5% 而 要 披 露 。

David Webb 一 向 出 位 ， 但 最 為 股 民 認 識 應 係 每 年 推 介 一 次 「 聖 誕 禮 物 」 ， 由 於 每 隻 聖 誕 禮 物 幾 乎 都 係 持 有 逾 5% 之 私 人 投 資 ， 故 此 每 一 年 佢 會 推 介 邊 隻 股 票 ， 已 經 變 到 好 易 估 得 到 ， 成 謙 聲 匯 分 分 鐘 會 成 為 潛 在 「 聖 誕 禮 物 」 。

不 過 由 於 David Webb 鍾 情 工 業 股 仔 ， 近 年 工 業 股 受 經 營 環 境 惡 化 拖 累 ， 成 績 已 大 不 如 前 ， 近 年 幾 隻 心 水 股 更 變 成 盈 警 股 。 最 經 典 係 04 年 聖 誕 禮 物 嘉 利 國 際 （ 1050 ） ， 04 年 12 月 推 介 後 曾 升 上 3.20 元 ， 跌 回 2.70 元 後 ， 05 年 3 月 升 至 3.70 元 見 頂 ， 之 後 跌 足 3 年 ， 自 發 盈 警 後 昨 跌 至 1.18 元 創 幾 年 新 低 。

另 一 經 典 之 作 係 新 確 科 技 （ 1063 ） ， 05 年 由 2.80 元 開 始 反 覆 下 跌 ， 到 公 佈 05 年 盈 利 大 跌 92% 後 ， 問 題 接 踵 而 至 ， 去 年 及 今 年 供 過 股 後 ， 似 乎 都 未 有 起 色 。 嬰 兒 用 品 股 隆 成 （ 1225 ） 係 最 新 例 子 ， 其 剛 公 佈 中 期 純 利 大 跌 80% ， 股 價 周 一 勁 跌 兩 成 ， 噚 日 續 跌 ， David Webb 仍 持 逾 5% ， 唔 知 點 收 科 。 成 謙 無 疑 係 估 值 偏 低 ， 但 假 如 純 因 David Webb 買 而 跟 上 車 ， 建 議 都 係 先 睇 清 楚 公 司 做 乜 先 好 ， 畢 竟 長 毛 都 會 睇 錯 股 。

勞 氏 忽 見 異 動
勞 氏 環 保 （ 309 ） 自 5 月 升 見 2.75 元 後 股 價 靜 好 幾 個 月 ， 噚 日 忽 見 異 動 勁 升 15% ， 技 術 上 出 現 突 破 。 勞 氏 今 年 3 月 申 報 獲 Galaxy 增 持 至 逾 5% ， 於 5 月 及 7 月 都 曾 經 再 次 增 持 ， 令 持 股 量 增 至 7.35% ， 集 團 較 早 前 透 過 1 送 1 紅 股 拆 細 ， 暫 時 未 見 有 新 消 息 ， 此 股 已 轉 型 專 做 內 地 醫 療 廢 物 處 理 ， 如 見 持 續 有 成 交 炒 上 ， 可 訂 定 蝕 位 跟 炒 一 轉 。