中 國 又 傳 加 息 又 傳 嚴 打 借 錢 炒 股 ， 搞 到 國 內 股 市 跌 到 反 艇 ， 以 點 數 計 ， 上 海 股 市 跌 幅 係 歷 來 最 大 ， 短 期 都 幾 難 睇 好 。 國 內 A 股 急 跌 ， 月 前 提 及 過 突 然 成 交 上 榜 A50 中 國 基 金 （ 2823 ） ， 噚 日 都 跌 6.4% ， 成 交 7.57 億 銀 ， 上 成 交 榜 第 15 位 。
日 前 睇 新 聞 ， 原 來 呢 隻 A50 基 金 ， 已 批 准 發 行 商 發 輪 ， 突 然 成 交 大 增 ， 可 能 都 同 呢 樣 有 關 。 根 據 發 行 商 所 講 ， 由 於 此 基 金 成 交 偏 低 ， 要 做 對 沖 可 能 較 為 困 難 ， 故 此 發 行 輪 ， 引 伸 波 幅 都 會 比 較 高 ， 即 係 定 價 較 貴 。
上 得 成 交 榜 都 話 成 交 細 ？ 其 實 以 1 隻 百 幾 蚊 價 位 基 金 計 ， 格 格 都 齊 晒 牌 而 且 數 額 唔 細 ， 已 算 係 有 足 夠 流 通 量 ， 相 比 起 另 兩 隻 過 百 元 宏 利 （ 945 ） 同 埋 渣 打 （ 2888 ） ， 牌 路 齊 得 多 。 另 一 個 問 題 係 國 內 A 股 只 准 買 而 唔 准 沽 空 ， 發 行 商 用 A50 當 指 數 輪 咁 發 ， 係 咪 只 准 發 C 輪 而 無 P 輪 ？
噚 日 講 過 隻 結 好 （ 064 ） 有 可 能 今 日 復 牌 ， 未 知 係 咪 因 為 咁 刺 激 個 別 濠 賭 股 炒 定 先 ， 早 排 公 布 做 賭 場 中 介 人 （ 碼 仔 ） 生 意 駿 雷 （ 070 ） ， 升 12% ， 同 樣 搞 呢 方 面 生 意 漢 基 （ 412 ） 一 度 升 逾 1 成 ， 收 市 無 升 跌 。 而 涉 及 賭 股 票 ， 仲 有 金 界 控 股 （ 3918 ） ， 呢 隻 柬 埔 寨 搞 賭 場 半 新 股 ， 近 兩 日 升 唔 少 ， 不 過 噚 日 就 由 高 位 回 落 。
金 界 竟 獲 花 旗 睇 好
金 界 急 升 ， 係 因 為 日 前 獲 花 旗 集 團 發 表 研 究 報 告 ， 將 之 首 次 納 入 為 研 究 股 份 ， 並 給 予 買 入 評 級 ， 目 標 2.70 元 。 該 行 表 示 ， 金 界 柬 埔 寨 首 都 金 邊 擁 有 唯 一 持 牌 賭 場 ， 估 計 其 3 年 內 除 稅 、 利 息 、 折 舊 及 攤 薄 前 盈 利 （ EBITDA ） 複 合 年 增 長 率 達 23% ， 並 且 擁 有 淨 現 金 ， 故 此 值 得 給 予 買 入 評 級 。 呢 隻 股 票 對 散 戶 講 唔 陌 生 ， 但 係 大 行 都 睇 中 並 納 入 研 究 範 圍 就 有 少 少 出 奇 ， 要 博 的 話 宜 待 2 蚊 邊 位 先 至 買 。
沒有留言:
發佈留言