港 股 噚 日 走 勢 可 謂 有 驚 無 險 ， 指 由 跌 300 幾 點 變 倒 升 55 點 ， 反 映 有 資 金 低 位 買 番 晒 上 去 。 目 前 續 炒 國 企 股 ， 而 且 越 細 越 落 後 就 越 有 得 炒 。 呢 個 情 況 兩 個 月 前 都 熟 口 熟 面 ， 但 係 當 時 只 屬 熱 身 。
數 落 後 冷 門 國 企 ， 經 緯 紡 機 （ 350 ） 最 狂 野 ， 今 年 初 仲 2 蚊 水 平 ， 噚 日 已 升 至 4.38 元 ， 升 幅 逾 倍 ， 因 為 此 股 的 確 落 後 ， H 指 屢 創 新 高 同 時 ， 此 股 過 去 3 年 無 升 過 。 數 落 後 ， 南 京 熊 貓 （ 553 ） 難 兄 難 弟 ， 04 年 2 月 高 位 2.90 元 ， 去 年 中 反 彈 高 位 2.675 元 ， 現 價 2.55 元 仍 低 於 此 兩 個 高 位 。
不 過 ， 過 去 3 年 公 司 業 務 大 重 組 卻 已 取 得 成 效 ， 去 年 6 月 底 止 半 年 度 純 利 3299 萬 元 ( 人 民 幣 ． 下 同 ) ， 根 據 首 9 個 月 淨 利 潤 6810 萬 元 計 ， 公 司 下 半 年 業 績 正 大 躍 進 ， 全 年 純 利 有 望 超 過 1 億 元 ， PE 只 不 過 10 倍 ， 有 低 PE 支 持 國 企 股 ， 真 係 買 少 見 少 。
熊 貓 以 中 國 會 計 制 度 計 ， 第 3 季 結 日 的 每 股 資 產 值 2.02 元 ， 以 P/B 計 ， 不 過 1.2 倍 左 右 ， 低 過 好 多 同 類 電 信 股 ， 另 外 熊 貓 A 股 （ 600775 ） 昨 收 報 7.14 元 ， H 股 較 A 股 折 讓 65% ， 係 僅 次 於 停 緊 牌 洛 玻 （ 1108 ） 。 與 其 亂 炒 一 通 ， 倒 不 如 專 心 買 呢 隻 真 係 抵 買 落 後 國 企 。
成 都 普 天 炒 私 有 化
南 京 熊 貓 噚 日 升 11% ， 遠 不 及 其 他 落 後 國 企 股 ， 其 中 一 隻 係 成 都 普 天 （ 1202 ） ， 急 升 26% 。 成 都 普 天 無 A 股 ， 但 係 母 公 司 普 天 集 團 規 模 好 大 ， 亦 係 有 整 體 上 市 概 念 。 據 國 內 報 章 報 道 ， 普 天 集 團 已 將 主 營 業 務 注 入 普 天 股 份 ， 同 中 交 （ 1800 ） 一 樣 最 終 會 作 上 市 ， 問 題 是 會 否 AH 同 步 而 已 。 至 於 香 港 呢 間 成 都 普 天 ， 最 終 命 運 好 有 可 能 係 私 有 化 ， 因 為 H 股 市 值 僅 2 億 幾 銀 ， 而 普 天 股 份 05 年 底 止 總 資 產 已 逾 200 億 元 ， 無 謂 有 兩 隻 普 天 撈 亂 晒 。
歐陽風
沒有留言:
發佈留言