噚 日 有 兩 隻 做 銅 相 關 加 工 產 品 股 仔 急 升 ， 分 別 係 長 盈 （ 689 ） 升 27% ， 以 及 隻 榮 盛 （ 1166 ） 升 24% ， 兩 隻 股 仔 早 排 分 別 拍 住 內 地 國 企 ， 前 者 同 江 銅 （ 358 ） 合 作 冶 煉 ， 後 者 則 透 過 旗 下 華 藝 （ 559 ） 同 紫 金 （ 2899 ） 合 作 搞 廢 銅 回 收 ， 雖 然 好 消 息 一 早 公 布 ， 但 係 就 等 噚 日 先 至 料 。
長 盈 近 排 宣 布 搞 埋 金 屬 物 流 ， 而 榮 盛 則 公 布 組 合 營 並 拍 住 外 資 大 車 廠 。 榮 盛 日 前 宣 布 ， 與 北 京 福 斯 簽 訂 諒 解 備 忘 錄 ， 擬 組 合 資 公 司 從 事 汽 車 聯 接 線 產 品 生 產 及 銷 售 業 務 ， 估 計 投 資 額 5000 萬 至 1 億 元 人 民 幣 。 據 報 北 京 福 斯 現 時 供 應 汽 車 電 線 予 通 用 汽 車 及 豐 田 等 大 型 汽 車 生 產 商 。
睇 睇 報 價 機 ， 榮 盛 PE 低 至 4 倍 ， 原 來 由 於 去 年 集 團 主 營 業 務 毛 利 大 幅 上 升 41% ， 加 上 遠 期 期 銅 合 約 對 沖 錄 得 7915 萬 元 利 潤 ， 令 全 年 業 績 扭 虧 為 盈 ， 業 績 好 公 司 同 時 宣 派 高 息 ， 末 期 息 每 股 4 仙 ， 股 息 率 有 5% ， 高 過 好 多 大 價 工 業 股 。
榮 盛 去 年 中 收 購 惠 而 浦 旗 下 生 產 白 色 家 電 及 汽 車 所 需 產 品 的 Brascabos ， 年 底 擬 收 購 另 一 家 歐 洲 電 線 及 電 纜 生 產 商 則 已 完 成 盡 職 審 查 ， 來 年 新 收 購 提 供 盈 利 貢 獻 ， 業 績 繼 續 增 長 ， 屆 時 PE 更 低 。 呢 隻 工 業 股 中 滄 海 遺 珠 ， 絕 對 有 留 意 價 值 。
錦 藝 獲 基 金 增 持
其 他 冷 門 工 業 股 仔 之 中 ， 噚 日 有 隻 錦 藝 紡 織 （ 565 ） 升 16% ， 呢 隻 股 仔 PE 都 係 低 至 5 倍 ， 股 息 率 有 3.7 厘 ， 同 樣 係 超 值 工 業 股 。 港 交 所 日 前 股 權 變 動 顯 示 ， Allianz SE 於 上 周 二 以 每 股 0.465 元 增 持 錦 藝 約 1.33 球 貨 ， 令 持 股 量 增 至 7.11% ， 邊 個 話 冷 門 股 仔 無 基 金 吼 ？ 據 公 司 管 理 層 表 示 ， 集 團 來 年 將 繼 續 調 整 產 品 組 合 ， 重 點 投 入 資 源 發 展 毛 利 較 高 運 動 服 布 料 ， 而 由 於 產 品 以 內 銷 為 主 ， 故 人 民 幣 升 值 對 集 團 影 響 輕 微 。
歐陽風
沒有留言:
發佈留言