東 方 電 機 （ 1072 ） 本 周 一 復 牌 急 升 42% 後 ， 噚 日 再 升 10% ， 簡 直 技 驚 四 座 。 東 機 宣 布 將 向 母 公 司 東 方 電 氣 集 團 收 購 東 方 鍋 爐 股 改 後 68.05% 股 權 和 東 方 汽 輪 機 100% 股 權 ， 上 述 收 購 將 令 東 方 電 氣 集 團 通 過 東 方 電 機 實 現 A+H 兩 地 整 體 上 市 。
有 東 機 做 樣 板 ， 現 在 「 整 體 上 市 」 4 個 字 頓 成 國 內 同 本 港 重 大 炒 作 主 題 ， 當 中 以 廣 州 廣 船 （ 317 ） 及 中 國 鋁 業 （ 2600 ） 呼 聲 最 高 。 廣 船 母 公 司 係 中 船 集 團 ， 為 全 球 第 2 大 造 船 商 ， 並 正 高 速 增 長 ， 定 單 接 至 2010 年 ， 較 早 前 宣 布 注 入 幾 項 資 產 予 上 海 A 股 上 市 的 滬 東 重 機 （ 600150.SS ） ， 其 中 外 高 橋 造 船 連 寶 鋼 及 上 海 電 氣 小 量 股 權 都 注 入 埋 。
市 場 相 信 注 資 係 為 實 現 中 船 整 體 上 市 ， 因 此 滬 東 重 機 連 續 6 個 交 易 日 漲 停 板 ， 第 7 日 即 係 噚 日 續 升 4% ， 短 短 個 零 星 期 升 逾 1 倍 。 由 於 中 船 規 模 實 在 太 大 ， 靠 一 間 滬 東 重 機 肯 定 食 唔 晒 所 有 資 產 ， 故 此 另 一 間 子 公 司 廣 船 肯 定 有 得 諗 ， 注 資 係 遲 早 事 。 事 實 上 中 國 目 標 未 來 10 年 超 日 趕 韓 成 為 全 球 最 大 造 船 基 地 ， 大 把 世 界 。
至 於 中 鋁 ， 上 月 通 過 S 蘭 鋁 及 S 山 東 鋁 股 改 及 合 併 議 案 後 ， 現 正 進 入 全 力 搞 緊 透 過 發 行 A 股 作 整 體 上 市 。 較 早 前 中 鋁 宣 布 調 高 氧 化 鋁 價 格 50% ， 券 商 發 表 報 告 只 圍 繞 鋁 價 升 勢 是 否 持 久 ， 好 明 顯 被 轉 移 了 視 線 ， 焦 點 肯 定 係 下 個 月 A 股 上 市 安 排 。
澳 科 獲 瑞 信 入 股
上 星 期 講 過 隻 前 稱 偉 誠 香 煙 包 裝 生 產 商 澳 科 （ 2300 ） 前 大 股 東 兼 主 席 慢 慢 淡 出 ， 上 星 期 減 持 80 球 貨 之 交 易 ， 股 權 變 動 上 周 只 係 顯 示 李 偉 波 減 持 ， 到 噚 日 證 實 由 瑞 信 1 月 31 日 以 4.969 元 接 20 球 貨 ， 作 價 同 李 氏 沽 出 價 一 樣 ， 咁 另 60 球 去 邊 ？ 值 得 細 味 。 大 股 東 澳 洲 上 市 公 司 Amcor 同 時 披 露 ， 2 月 1 日 街 外 增 持 7.83 球 貨 ， 開 始 有 基 金 肯 露 面 持 逾 5% ， 澳 科 要 實 。
歐 陽 風
沒有留言:
發佈留言