股 場 放 大 鏡 ： 住 大 價 股 隨 時 踩 地 雷

近 期 港 股 日 日 大 玩 裂 口 ， 國 內 股 市 日 日 陰 ， 大 市 走 勢 惟 有 睇 外 圍 美 股 。 除 睇 美 股 ， 不 少 股 份 最 近 股 價 波 動 ， 多 得 大 行 出 報 告 ， 而 在 最 近 ， 主 要 係 大 行 唱 淡 ， 搞 到 唔 少 實 力 股 被 洗 倉 式 沽 售 ， 早 前 中 交 建 （ 1800 ） 係 典 型 例 子 ， 噚 日 輪 到 內 銀 股 。

高 盛 證 券 日 前 發 表 研 究 報 告 指 出 ， 鑑 於 憂 慮 經 濟 放 緩 以 及 不 良 貸 款 風 險 增 加 ， 調 低 內 銀 股 目 標 價 及 盈 利 預 測 ， 行 業 評 級 由 「 吸 引 」 降 至 「 中 性 」 。 報 告 將 中 資 銀 行 09 及 2010 年 的 盈 利 預 測 平 均 下 調 6% 至 7% ， 而 6 間 內 銀 Ｈ 股 目 標 價 平 均 被 削 26% ， A 股 目 標 價 更 被 大 幅 調 低 41% 。

大 行 目 標 價 如 海 鮮 價
該 行 其 中 一 隻 睇 得 較 淡 內 銀 股 係 交 通 銀 行 （ 3328 ） ， Ｈ 股 評 級 由 買 入 一 下 子 降 至 沽 售 ， A 股 則 由 買 入 降 至 中 性 ， Ｈ 股 目 標 價 由 11.75 元 大 幅 調 低 至 7.38 元 ， 比 昨 日 收 市 價 8.54 元 還 要 低 13.5% ， 難 怪 報 告 一 出 ， 交 行 股 價 即 跌 逾 4% 。 另 一 隻 跌 得 較 多 內 銀 股 係 中 信 銀 行 （ 998 ） ， 跌 4.4% ， 高 盛 將 其 評 級 由 買 入 降 至 中 性 ， 目 標 價 由 5.80 元 降 至 4.20 元 。

大 行 目 標 價 有 如 海 鮮 價 ， 好 地 地 一 間 交 通 銀 行 ， 目 標 價 竟 可 忽 然 大 幅 調 低 37% ， 由 於 淡 市 底 下 股 票 被 調 低 評 級 機 會 遠 高 於 調 高 評 級 ， 住 熱 門 大 價 股 ， 忽 然 大 跌 風 險 正 在 提 升 。

個 別 資 源 股 更 慘 情 ， 如 中 鋁 （ 2600 ） 昨 破 底 再 創 近 兩 年 新 低 ， 因 又 被 大 行 「 睇 中 」 ， 德 銀 指 中 鋁 正 面 臨 成 本 上 漲 壓 力 ， 而 氧 化 鋁 及 原 鋁 產 品 售 價 亦 有 下 調 壓 力 ， 故 將 中 鋁 H 股 目 標 價 調 低 37% 至 5 元 ， 建 議 沽 售 ， 認 為 其 最 壞 的 時 刻 仍 未 來 臨 。 大 行 咁 玩 法 ， 你 話 死 唔 死 。