星期三, 1月 31, 2007

股 場 放 大 鏡 : 航 通 獲 注 資 機 會 大


本 周 一 航 天 科 技 ( 031 ) 股 價 急 升 一 成 , 因 為 市 傳 母 公 司 航 天 科 技 集 團 ( 中 航 總 ) 會 注 資 , 同 系 航 科 通 信 ( 1185 ) 只 升 5% 。 睇 番 航 通 周 一 晚 所 發 之 通 告 , 似 乎 注 資 主 角 係 航 通 而 唔 係 航 科 , 而 航 通 注 資 , 亦 都 唔 關 航 科 事 , 因 為 前 年 中 航 總 已 透 過 旗 下 「 中 國 運 載 火 箭 技 術 研 究 院 」 ( 簡 稱 火 箭 院 ) 向 航 科 買 回 所 持 股 份 , 兩 公 司 再 無 從 屬 關 係 , 變 成 姊 妹 公 司 。


該 份 通 告 , 主 要 係 話 火 箭 院 正 就 一 項 可 能 進 行 之 收 購 進 行 磋 商 , 而 火 箭 院 主 要 係 做 研 究 、 設 計 火 箭 發 射 服 務 、 清 潔 能 源 、 新 材 料 應 用 、 民 用 衞 星 技 術 等 , 假 如 係 向 母 公 司 買 , 好 可 能 係 涉 及 清 潔 能 源 業 務 。 講 到 出 口 話 同 母 公 司 傾 買 , 估 計 成 事 機 會 相 當 高 。


事 實 上 , 睇 番 舊 年 11 月 份 通 告 , 火 箭 院 才 剛 聯 同 中 航 總 旗 下 財 務 附 屬 , 向 航 通 借 出 合 共 1.7 億 元 人 民 幣 , 貸 款 期 為 5 年 , 年 利 率 為 5.04% , 貸 款 金 額 講 明 將 用 作 風 力 發 電 項 目 投 資 。 航 通 過 去 兩 年 分 別 投 資 於 吉 林 省 及 遼 寧 省 風 力 發 電 廠 設 施 , 但 係 投 資 總 額 唔 算 大 , 不 過 如 果 獲 母 公 司 注 入 新 項 目 , 就 唔 同 咁 講 法 。 搞 再 生 能 源 符 合 中 國 「 十 一 . 五 」 規 劃 , 肯 定 會 有 概 念 , 但 係 就 千 祈 唔 好 睇 錯 隔 籬 買 31 號 。


時 惠 有 內 地 零 售 概 念


上 個 星 期 六 提 過 隻 中 國 七 星 購 物 ( 245 ) , 呢 兩 日 仲 係 咁 升 , 但 係 現 價 估 值 唔 平 , 買 國 內 零 售 消 費 概 念 , 可 以 考 慮 換 馬 圖 表 走 勢 唔 錯 京 客 隆 ( 8245 ) 同 埋 聯 華 ( 980 ) , 另 外 仲 有 隻 滄 海 遺 珠 時 惠 環 球 ( 996 ) , 噚 日 升 12% 破 旗 。 時 惠 去 年 由 關 氏 易 手 畀 執 董 田 氏 , 完 成 收 購 北 京 東 方 銀 座 百 貨 後 , 計 劃 斥 資 3000 萬 元 於 上 海 開 設 5 間 「 Lifeztore 」 家 居 生 活 概 念 店 。 去 年 中 期 純 利 勁 增 20 倍 , 每 股 盈 利 2.2 仙 , 照 計 PE 僅 7 倍 , 平 過 同 類 股 好 多 。


歐 陽 風

沒有留言: