股 場 放 大 鏡 ： 收 市 造 價 圖 表 派 無 符

港 交 所 （ 388 ） 搞 出 個 收 市 時 段 競 價 ， 唔 到 一 個 星 期 剛 好 遇 摩 指 換 馬 ， 搞 到 股 票 收 市 價 七 國 咁 亂 ， 港 交 所 要 負 上 最 大 責 任 。 一 向 以 來 ， 開 市 時 段 造 出 天 價 ， 一 般 成 交 都 唔 會 好 大 ， 有 心 造 價 亦 唔 敢 造 得 太 離 譜 ， 因 為 會 相 當 顯 眼 ， 但 係 收 市 造 價 ， 卻 可 以 大 條 道 理 話 係 有 成 交 支 持 的 競 價 交 易 ， 有 噚 日 咁 離 譜 先 例 ， 大 戶 日 後 要 玩 收 市 價 ， 可 以 造 到 出 晒 面 。

由 於 摩 指 涉 及 唔 少 股 票 換 馬 ， 噚 日 不 少 被 剔 出 的 股 票 備 受 牽 連 ， 好 似 長 期 係 咁 跌 湖 南 有 色 （ 2626 ） 收 市 價 突 被 質 低 十 多 巴 仙 ， 令 股 價 創 出 新 低 ， 貨 股 民 自 然 唔 多 好 受 ， 最 弊 係 若 然 有 圖 表 派 跟 圖 炒 股 ， 好 多 圖 表 噚 日 都 會 變 晒 形 ， 即 使 下 周 一 修 正 番 ， 個 圖 仍 然 變 唔 番 ， 造 成 永 久 性 的 「 怪 圖 」 。

任 由 大 戶 予 取 予 攜
湖 南 有 色 最 後 時 段 「 破 位 」 向 下 ， 不 妨 又 留 意 另 一 隻 股 票 香 格 里 拉 （ 069 ） ， 噚 日 最 後 一 刻 「 嘜 」 高 3.10 元 ， 競 價 成 交 達 150 萬 股 ， 成 交 額 近 4000 萬 銀 ， 純 睇 日 線 圖 表 ， 根 本 係 向 上 突 破 形 態 ， 事 實 卻 未 必 。 日 後 股 票 有 心 造 上 ， 大 可 在 最 後 一 刻 才 造 價 ， 翌 日 急 升 ， 大 條 道 理 話 係 技 術 破 位 。 港 交 所 班 高 層 ， 究 竟 識 唔 識 市 場 運 作 ？

除 收 市 競 價 時 段 無 現 貨 成 交 參 考 可 以 亂 咁 ， 查 實 期 指 亦 然 ， 再 延 長 15 分 鐘 後 ， 大 戶 只 要 有 心 玩 價 ， 係 可 以 令 期 指 大 升 大 跌 ， 因 為 無 現 貨 參 考 ， 若 配 合 外 圍 些 少 變 化 ， 可 以 呢 段 時 間 挾 上 挾 落 ， 散 戶 諗 住 擺 期 指 倉 過 夜 ， 好 易 在 最 後 一 刻 被 震 走 。